அமெரிக்காவில் இஸ்லாம் குறித்த முன்னோடி அறிஞர் காலமானார்

அமெரிக்காவில் இஸ்லாம் குறித்த முன்னோடி அறிஞர் ஜான் எஸ்போசிட்டோ தனது 86 ஆம் வயதில் காலமானார்.

ஜார்ஜ்டவுன் அறிஞரும் எழுத்தாளரும் இஸ்லாமிய மற்றும் மேற்கத்திய உலகங்களுக்கு இடையே பாலங்களை அமைப்பதில் பல தசாப்தங்களை செலவிட்டவருமான ஜான் எஸ்போசிட்டோ தனது தலைமுறையின் மிகவும் செல்வாக்கு மிக்க முஸ்லிம் அல்லாத இஸ்லாமிய அறிஞர்களில் ஒருவராக கருதப்பட்டார்.

ஐந்து தசாப்தங்களுக்கும் மேலான அவரது பணிவாழ்க்கையில், டஜன் கணக்கான புத்தகங்கள் மற்றும் ஆயுட்கால போதனைகள் மூலம் இஸ்லாம் குறித்த மேற்கத்திய தவறான புரிதல்களை சரிசெய்யவும், முஸ்லிம்களுக்கும் அவர்களைச் சுற்றியுள்ள சமூகங்களுக்கும் இடையே நீடித்த உரையாடலுக்கான வழிகளை அமைக்கவும் அவர் முயன்றார்.

1940-இல் நியூயார்க், புரூக்ளினில் பிறந்த எஸ்போசிட்டோ, புகழ்பெற்ற பாலஸ்தீனிய-அமெரிக்க இஸ்லாமிய அறிஞர் இஸ்மாயில் ராஜி அல்-ஃபரூக்கியிடம் பயிற்சி பெற்றார். இந்த அறிவுசார் பயிற்சி தான் மேற்கத்திய கவலைகளின் பார்வையில் அல்லாமல், இஸ்லாத்தை அதன் சொந்த அடிப்படையில் முன்வைக்க வேண்டும் என்ற அவரது ஆயுட்கால அர்ப்பணிப்பை வடிவமைத்தது.

மாசசூசெட்ஸில் உள்ள ஹோலி கிராஸ் கல்லூரியில் உலக மதங்களை கிட்டத்தட்ட இரண்டு தசாப்தங்கள் கற்பித்து, அதன் மத ஆய்வுகள் துறைக்கு தலைமை தாங்கிய பின்னர், அவர் ஜார்ஜ்டவுன் பல்கலைக்கழகத்திற்கு சென்று தனது வாழ்நாள் முழுவதையும் அங்கேயே கழித்தார்.

ஜார்ஜ்டவுனில், எஸ்போசிட்டோ பல்கலைக்கழக பேராசிரியர் – மதம், சர்வதேச விவகாரங்கள் மற்றும் இஸ்லாமிய ஆய்வுகள் என்ற பதவியை வகித்தார். 1993-இல் அவர் முஸ்லிம்-கிறிஸ்தவ புரிதலுக்கான மையத்தை நிறுவினார். பின்னர் அது இளவரசர் அல்வலீத் பின் தலால் முஸ்லிம்-கிறிஸ்தவ புரிதலுக்கான மையம் என மறுபெயரிடப்பட்டது.

அவரது தலைமையின் கீழ், அந்த மையம் உலகின் முன்னணி மதங்களுக்கு இடையிலான உரையாடல் நிறுவனங்களில் ஒன்றாக வளர்ந்தது. பின்னர் அவர் இஸ்லாமிய வெறுப்பை கண்காணித்து சவால் செய்வதற்காக அர்ப்பணிக்கப்பட்ட ஆய்வுத் திட்டமான “Bridge Initiative” ஐ தொடங்கினார்.

அகாடமி தரத்தின் படியும் கூட எஸ்போசிட்டோவின் அறிவார்ந்த படைப்புகள் மிகப்பெரியவை. அவர் தனது வாழ்கையில் 50-க்கும் மேற்பட்ட புத்தகங்களை எழுதியுள்ளார், இணைந்து எழுதியுள்ளார் அல்லது தொகுத்துள்ளார். அவரது படைப்புகள் 35 மொழிகளில் மொழிபெயர்க்கப்பட்டுள்ளன.

அவரது மிகவும் பிரபலமான படைப்புகளில்

Islam: The Straight Path

The Islamic Threat: Myth or Reality?

What Everyone Needs to Know About Islam

The Future of Islam

Islamophobia: The Challenge of Pluralism in the 21st Century ஆகியவை அடங்கும்.

2007-இல் தலியா மொகஹெத்துடன் இணைந்து எழுதிய Who Speaks for Islam? What a Billion Muslims Really Think என்ற புத்தகம், 35-க்கும் மேற்பட்ட முஸ்லிம் பெரும்பான்மை நாடுகளில் 50,000-க்கும் மேற்பட்ட நேர்காணல்களின் அடிப்படையில் அமைந்தது. இது உலகின் 1.6 பில்லியன் முஸ்லிம்கள் குறித்த பொதுவான கருத்துகளுக்கு அரிதான அனுபவபூர்வ எதிர்ப்பாக அமைந்து, மிகவும் பரவலாக மேற்கோள் காட்டப்பட்ட முஸ்லிம் பொது கருத்து ஆய்வுகளில் ஒன்றாக மாறியது.

மேலும் அவர்

The Oxford Dictionary of Islam

The Oxford History of Islam

The Oxford Encyclopedia of the Islamic World

உள்ளிட்ட பல முக்கிய குறிப்பு நூல்களின் தலைமை ஆசிரியராகவும் பணியாற்றினார்.

வாழ்நாள் முழுவதும் பயிற்சி பெற்ற கத்தோலிக்கராக இருந்த எஸ்போசிட்டோ, மதங்களுக்கு இடையிலான புரிதலில் தனக்கு இருந்த ஆர்வத்திற்கு தனது சொந்த நம்பிக்கையே அடிப்படை என்று அடிக்கடி சுட்டிக்காட்டினார். ஒருவரின் சொந்த மரபில் ஆழ்ந்த நம்பிக்கை கொண்டிருப்பது மற்றொருவரின் மரபிற்கான மரியாதையின் செலவில் வரக்கூடாது என்று அவர் வாதிட்டார்.

அவர் வட அமெரிக்காவின் மத்திய கிழக்கு ஆய்வுகள் சங்கம் மற்றும் அமெரிக்க மத அகாடமி ஆகிய இரண்டிற்கும் தலைவராக பணியாற்றினார். மதத்தின் பொது புரிதலுக்கான மார்டின் E மார்ட்டி விருது மற்றும் இஸ்லாமிய ஆய்வுகளுக்கான சிறந்த பங்களிப்பிற்கான பாகிஸ்தானின் குவைத்-இ-ஆசம் விருது ஆகியவற்றால் கௌரவிக்கப்பட்டார்.

அவரது மறைவு செய்தியை அடுத்து முஸ்லிம் உலகம் முழுவதிலிருந்தும் அஞ்சலிகள் குவிந்தன.

மலேசிய பிரதமர் அன்வர் இப்ராஹிம் ஒரு Facebook பதிவில், 1970-களின் முற்பகுதியில் தனது முதல் சந்திப்பு முதல் எஸ்போசிட்டோவுடனான தனது நட்பு ஐந்து தசாப்தங்களுக்கும் மேலாக நீடித்ததாக கூறினார். இஸ்லாம் குறித்த மேற்கத்திய புரிதலுக்கு ஆழமான அறிவுசார் அடித்தளத்தை அமைத்த ஒரு அறிஞர் என்றும், “இஸ்லாமிய உலகின் உண்மையான நண்பர்” என்றும் அவரை வர்ணித்தார்.

செப்டம்பர் 11 தாக்குதல்களுக்குப் பிந்தைய ஆண்டுகளில் இஸ்லாம் குறித்த பொது புரிதல் மிகவும் அவசரமாக தேவைப்பட்ட போது இவ்ழறிஞரின் பணி குறிப்பிட்ட முக்கியத்துவத்தை பெற்றதாக அன்வர் கூறினார்.

சர்சைக்குரிய “பயங்கரவாத” வழக்கைத் தொடர்ந்து அமெரிக்காவில் வீட்டுக் காவலில் இருந்த ஆண்டுகளில் எஸ்போசிட்டோ தன்னை பலமுறை சந்தித்ததை இஸ்தான்புல் சபாஹத்தீன் சைம் பல்கலைக்கழகத்தின் இஸ்லாம் மற்றும் உலக விவகாரங்களுக்கான மையத்தின் இயக்குனர் பாலஸ்தீனிய-அமெரிக்க கல்வியாளர் சாமி அல்-அரியான் நினைவு கூர்ந்தார். பின்னர் 2015-இல் அவர் துருக்கிக்கு நாடு கடத்தப்பட்டார்.

“நான் ஒரு அன்பான நண்பரை மட்டுமல்ல, நமது காலத்தின் மிகச்சிறந்த அறிஞர்களில் ஒருவரையும் மனிதாபிமானிகளில் ஒருவரையும் இழந்துவிட்டேன்” என்று அல்-அரியான் சமூக ஊடகத்தில் எழுதினார். “சுவர்கள் இருந்த காலத்தில் அவர் பாலங்களை கட்டினார்” என்றும் கூறினார்.

அமெரிக்காவின் மிகப்பெரிய முஸ்லிம் குடிமை உரிமை அமைப்பான அமெரிக்க-இஸ்லாமிய உறவுகளுக்கான கவுன்சில் (CAIR) அவரது மறைவிற்கு இரங்கல் தெரிவித்தது.

தேசிய நிர்வாக இயக்குனர் நிஹாத் அவாத், தவறான தகவல்கள் மற்றும் தப்பெண்ணம் பெரும்பாலும் பொது விவாதங்களில் ஆதிக்கம் செலுத்திய காலத்தில் இஸ்லாம் மற்றும் முஸ்லிம்கள் குறித்த துல்லியமான புரிதலை மேம்படுத்துவதற்கு எஸ்போசிட்டோ தனது வாழ்க்கையை அர்ப்பணித்ததாக கூறினார். உலகெங்கிலும் உள்ள மாணவர்கள், கொள்கை வகுப்பாளர்கள், பத்திரிகையாளர்கள் மற்றும் மதத் தலைவர்களின் தலைமுறைகளுக்கு கல்வி கற்பிக்க அவரது புலமை உதவியதாக பாராட்டினார்.

“அவர் ஒரு அசாதாரண கல்வியாளர் மட்டுமல்ல, இரக்கமுள்ள நண்பர் மற்றும் நம்பகமான குரலாகவும் இருந்தார்” என்று அவாத் விவரித்தார்.

எஸ்போசிட்டோ அவர்கள் தனது மனைவி டாக்டர் ஜீனெட் P எஸ்போசிட்டோவை பிரிந்து சென்றுள்ளார்.

(ஹெபா ஹபீப் அல்ஜஸீரா வலைத்தளத்திற்கு எழுதிய ஆக்கத்தின் தமிழாக்கம்)

16 ஜூலை 2026

https://www.aljazeera.com/…/john-esposito-pioneering…

Wikipedia வில் இருந்து :-

Ph.D. பட்டம் பெற்ற பிறகு கிட்டத்தட்ட இருபது ஆண்டுகளாக, மாசசூசெட்ஸில் உள்ள ஜெசுட் கல்லூரியான ஹோலி கிராஸ் கல்லூரியில் எஸ்போசிட்டோ மத ஆய்வுகளை கற்பித்தார். அதில் இந்து மதம், பௌத்தம் மற்றும் இஸ்லாம் ஆகியவை அடங்கும்.

ஹோலி கிராஸ் கல்லூரியில் அவர் லயோலா மத்திய கிழக்கு ஆய்வுகள் பேராசிரியர் பதவியை வகித்தார். மேலும் மத ஆய்வுகள் துறையின் தலைவராகவும், ஹோலி கிராஸ் கல்லூரியின் சர்வதேச ஆய்வுகள் மையத்தின் இயக்குனராகவும் இருந்தார்.

ஜார்ஜ்டவுன் பல்கலைக்கழகத்தில் எஸ்போசிட்டோ பல்கலைக்கழக பேராசிரியர் பதவியை வகித்தார். அங்கு மதம் மற்றும் சர்வதேச விவகாரங்கள் பேராசிரியராகவும், இஸ்லாமிய ஆய்வுகள் பேராசிரியராகவும் கற்பித்தார்.

எஸ்போசிட்டோ தனது முனைவர் பட்ட ஆய்வை செல்வாக்கு மிக்க இஸ்லாமிய அறிஞர் இஸ்மாயில் ராஜி அல்-ஃபரூக்கியின் மேற்பார்வையில் முடித்தார்.

அவர் 1984-இல் _Islam and Politics_ என்ற நூலையும், 1988-இல் _Islam: The Straight Path_ என்ற நூலையும் வெளியிட்டார். இரண்டு புத்தகங்களும் நன்றாக விற்பனையாகி பல பதிப்புகளை கண்டன.

35-க்கும் மேற்பட்ட புத்தகங்களை எழுதியதுடன், பல ஆக்ஸ்போர்டு குறிப்பு நூல்களுக்கு தலைமை ஆசிரியராகவும் இருந்தார். அவற்றில் _The Oxford Encyclopedia of the Modern Islamic World_, _The Oxford History of Islam_, _The Oxford Dictionary of Islam_, _The Oxford Encyclopedia of the Islamic World_ [6 தொகுதிகள்], மற்றும் _Oxford Islamic Studies Online_ ஆகியவை அடங்கும்.

1988-இல் அவர் வட அமெரிக்காவின் மத்திய கிழக்கு ஆய்வுகள் சங்கத்தின் [MESA] தலைவராக தேர்ந்தெடுக்கப்பட்டார்.

அமெரிக்க மத அகாடமி மற்றும் அமெரிக்க இஸ்லாமிய சமூகங்களைப் பற்றிய ஆய்வுக்கான கவுன்சில் ஆகியவற்றின் தலைவராகவும் பணியாற்றினார்.

1999 முதல் 2004 வரை இஸ்லாம் மற்றும் ஜனநாயக ஆய்வு மையத்தின் இயக்குனர்கள் குழுவின் துணைத் தலைவராக பணியாற்றினார். உலக பொருளாதார மன்றத்தின் 100 தலைவர்கள் குழு, ஐ.நா நாகரிகங்களின் கூட்டணியின் உயர்மட்ட குழு, மற்றும் E.C. தீவிரவாத தடுப்பு நிபுணர்களின் ஐரோப்பிய வலையமைப்பு ஆகியவற்றிலும் அவர் உறுப்பினராக இருந்தார்.

Unity Productions Foundation தயாரித்து PBS-இல் ஒளிபரப்பட்ட விருது பெற்ற ஆவணப்படமான _Muhammad: Legacy of a Prophet_ படத்திற்கு அவர் ஆலோசகராக இருந்தார்.[2002]

மதத்தின் பொது புரிதலுக்கான அமெரிக்க மத அகாடமியின் 2005 ஆம் ஆண்டு மார்ட்டின் E. மார்ட்டி விருது, இஸ்லாமிய ஆய்வுகளில் சிறந்த பங்களிப்பிற்கான பாகிஸ்தானின் குவைத்-இ-ஆசம் விருது ஆகியவற்றை பெற்றார். 2003-இல் ஜார்ஜ்டவுன் பல்கலைக்கழகத்தின் வெளிநாட்டு சேவை பள்ளியின் சிறந்த கற்பித்தலுக்கான விருதை பெற்றார்.

1993-இல் எஸ்போசிட்டோ ஜார்ஜ்டவுன் பல்கலைக்கழகத்தில் முஸ்லிம்-கிறிஸ்தவ புரிதலுக்கான மையத்தை நிறுவி அதன் நிறுவன இயக்குனராகவும் இருந்தார். இஸ்லாமிய நாகரிகம் மற்றும் முஸ்லிம்-கிறிஸ்தவ புரிதல் துறைகளில் கல்வியை மேம்படுத்துவதற்கும், கலாச்சாரங்களுக்கு இடையிலான மற்றும் மதங்களுக்கு இடையிலான உரையாடலை எளிதாக்குவதில் உலகத் தலைவராக அதன் இருப்பை வலுப்படுத்துவதற்கும் சவுதி அரேபிய இளவரசர் அல்வலீத் பின் தலால் இந்த மையத்திற்கு 20 மில்லியன் டாலர் நிதியுதவி வழங்கினார்.

அவர் ஒரு கத்தோலிக்கர் என்பது இங்கு குறிப்பிடத்தக்கது.

From Wikipedia:-

For nearly twenty years after completing his Ph.D., Esposito had taught religious studies (including Hinduism, Buddhism, and Islam) at the College of the Holy Cross, a Jesuit college in Massachusetts. At the College of the Holy Cross, he held the Loyola Professor of Middle East Studies position, was the chair of the Department of Religious Studies, and director of the College of the Holy Cross’s Center for International Studies.[2] At Georgetown University, Esposito held the position of university professor and taught as both professor of religion and international affairs and professor of Islamic studies.[3]

Esposito completed his doctoral studies under the supervision of the influential Islamic scholar Isma’il Raji al-Faruqi.[4] Esposito published Islam and Politics in 1984, and Islam: The Straight Path in 1988. Both books sold well, going through many editions. In addition to more than 35 books, he was editor-in-chief of a number of Oxford reference works, including The Oxford Encyclopedia of the Modern Islamic World, The Oxford History of Islam, The Oxford Dictionary of Islam, The Oxford Encyclopedia of the Islamic World (six vols), and Oxford Islamic Studies Online.[2]

In 1988, he was elected president of the Middle East Studies Association of North America (MESA). He has also served as president of the American Academy of Religion and president of the American Council for the Study of Islamic Societies. He served as vice chair of the board of directors of the Center for the Study of Islam & Democracy from 1999 to 2004 he was a member of the World Economic Forum’s Council of 100 Leaders, the High Level Group of the U.N. Alliance of Civilizations and the E. C. European Network of Experts on De-Radicalisation. He was an advisor to the award-winning, PBS-broadcast documentary Muhammad: Legacy of a Prophet (2002), produced by Unity Productions Foundation. A recipient of the American Academy of Religion’s 2005 Martin E. Marty Award for the Public Understanding of Religion and of Pakistan’s Quaid-e-Azam Award for Outstanding Contributions in Islamic Studies, in 2003 he received the School of Foreign Service, Georgetown University Award for Outstanding Teaching.[2]

Esposito founded the Center for Muslim-Christian Understanding at Georgetown University in 1993 and was its founding director. The center received a $20 million endowment from Saudi Arabian Prince Alwaleed Bin Talal “to advance education in the fields of Islamic civilization and Muslim-Christian understanding and strengthen its presence as a world leader in facilitating cross-cultural and inter-religious dialogue.Esposito was a Catholic.